Nedre Stugu - Nordigard Blessom

Kaja Koppang rydder Stabbur og Årestugu

2011-07-20T07:42:00.000-07:00

Slik såg stabuuret ut før det vart rydda!

Kaja kom på besøk til Nordigard Blessom og fann ut at Årestugu frå 1300-talet burde ryddast for ved, og i staden brukast til overnatting. Dermed sette ho inn senger og det vart svært så fint! Stabburet vart også forvandra. I løpet av nokre dagar vart 7 lass med rot og skrot frå ulike tiår køyrt bort og veggene vart spyla. Alt ligg nå til rette for matservering på Stabburet!

2011-07-20T05:35:00.000-07:00

Frukost servert på gardshotellet!

Himmelsenger og andre senger

2011-07-20T03:57:00.001-07:00

Slik ser soveromma ut i dag!

2011-03-13T04:54:00.000-07:00

Eva har sydd gardiner til det gule rommet. Eit gamalt overlaken vart kjøpt på antikkmesse i Italia, og sydd om til gardiner. Ola sytte for oppheng.

Bjørnsgard Trio på Nordigard Blessom

2011-02-15T03:22:00.000-08:00

Bjørnsgard Trio hadde konsert på Nordigard Blessom. Trioen består av dei beste eg kjenner på fele: Leif Inge Schølberg og Andreas Bjørkås - så flinke at eg får frysningar. Even Lusæter las dikt og sang. Vakker konsert og stor stemning. I slutten av januar spelar Bjørnsgard Trio konsert på Riksscena i Oslo - anbefalast på det varmaste!

2011-02-15T02:43:00.001-08:00

Når veden turkar kryp golvborda saman. Nå er golvborda i Nedre Stugu teki ut, høvla - og skal tilbake på plass. Til sist skal golvet slipast. Her er snikkarane i gang med arbeidet.

2010-11-22T05:16:00.000-08:00

Akantusutskjæring og heimeavla epler i Nedre Stugu.

Har vore i sjodalen der vi har bygger hytte, her er bilete frå elva Sjoa.

Restaureringsblandet Gamle Hus og Hager på besøk!

2010-11-21T11:32:00.001-08:00

Nå er det lenge sidan eg har skrivi noko her, men det har skjedd mykje spennande den siste tida!

Kari Marte Frøyset frå restaureringsbladet Gamle Hus Hager har vore på kosleg "julebesøk" besøk og laga reportasje. I julenummeret av Gamle Hus og Hager nr 6 kan dykk lese om restaureringa av Nedre Stugu, og sjå korleis huset ser ut julepynta!

Alle bilete er teke Kari Marte Frøyset. Ho var tidlegare fotograf for Blomqvist, men sakna eit norsk blad som tok for seg restaurering, byggeskikk og bygningsvern.

Bilete frå Gamle Hus og Hager nr6, 2010

Gamle Hus og Hager er eit must for alle som er interessert i restaurering og gamle bygningar: http://www.gamlehusoghager.no/http:/

http://www.facebook.com/gamlehusoghager?ref=ts

God jul helsing Ingrid Blessom!

2010-06-11T03:59:00.000-07:00

Verdiskapningsfondet hadde 3-dagers møte i Vågå. Blant 30 besøkande på Nordigard Blessom var blant anna mi heltinne innanfor restaurering Else Rønnevig, også kaldt Sprossa.

Ein annan som kom på besøk var Einar Engen i Norsk Kulturminnefond. Sommaren for 3 år sidan vitja eg og pappa Norsk Kulturminnefond på Røros, og la fram restaureringsplanane etter at søknaden vart avvist fyrste gongen vi sendte den inn. Etter forbetringar i søknaden, og besøket på Røros gjekk søknaden gjennom og dette var startskotet for ein restaureringsprosess som har pågått dei siste tre åra.

Rådet til alle dei som søkjer Kulturminnefondet på Røros om støtte og som vert avvist er å kontakte Kulturminnefondet og høyre om korleis søknaden kan forbetrast. Nålauge er trongt, men om ein fyrst får støtte frå Kulturminneforndet på Røros er det mykje lettare å få tilskot frå andre stiftelser og organisasjonar! Eg er vertfall svært glad for at Kulturminnefondet tok mot oss, og at Jon Sul og Einar Engen hadde tru på prosjektet vårt!

2010-05-06T05:22:00.000-07:00

Edda Espeland og Olav Wæthin frå magasinet "Det gode liv", var på besøk på Vågå Gardshotell, dei besøkte Nordigard Blessom, Valbjør og Ekre.

Direktør i Norsk Kulturarv Grete Horntvedt, Cecilie Asp, Live Hosar og Mathias Øvsteng var med på middag på Nordigar Blessom.

Her er nokre bilite frå visitasen.

blessom.smugmug.no

http://www.kulturarv.no/index.aspx?cat=24734&article=3999506

Påska 2010

2010-04-09T18:01:00.000-07:00

2010-03-28T06:30:00.000-07:00

Reidar Berg har smidd beslag. Beslaget er kopi av beslaget som truleg har vore i Nedre Stugu tidlegare. Døra er nylaga av brødrene Løkken på Lalm og er den siste døra dei laga før dei slutta. Døra er måla med pariserblått (berlinerblå). Døra var fyrst grunna med surmjølk tilsett berlinerblå pigment, og kvit vassbasert måling. Deretter vart ho marmorert med berlinerblå og kvit oljebasert måling. Den berlinerblå oljemålinga vart laga av kokt linoljemåling som kan kjøpast på KEM (kunstnernes eget materialutsalg i Oslo), og MOLO som frå April får utsalg i Bogstadveien! Berlinerblått pigment vart kjøpt hos KEM i Oslo.

Pigment og linolje kan bestillast her:

http://www.kem.no/

Mykje av linoljemålinga vi har brukt er kjøpt hos Molo som du finn på Bærum verk, men som i April opnar butikk i Bogstadveien!

http://www.moloas.com/

2010-02-21T11:57:00.000-08:00

Torsdag var blant anna Riksantikvar Jørn Holme, styreleder i Norsk Kulturarv, direktør i Norsk Kulturarv Grete Horntvedt på besøk og såg på Nedre Stugu. NRK var også til stades!

http://www.nrk.no/nett-tv/distrikt/ho/verdi/123781/

Takk til!

2009-12-26T11:40:00.000-08:00

Norsk Kulturminnefond, http://www.kulturminnefondet.no/

Stiftelsen UNI, http://www.stiftelsen-uni.no/

SMIL, http://www.gol.kommune.no/Tjenester/Tilskot/Tilskot-i-landbruket/SMIL---Tilskot-til-spesielle-miljotiltak-i-landbruket/

Innovasjon Norge, http://www.innovasjonnorge.no/

Takk for økonomisk støtte i året som har gått, vi ser nå at utan tilskot hadde dette prosjektet vore vanskeleg å gjennomføre.

Mange personer har kome med verdifulle råd, blant anna "Sprossa" som velvillig svarte på sprørsmål då eg ringte: http://www.sprossa.no/

2009-12-26T11:01:00.000-08:00

Forebels interiør.
Kjøkenet er laga av Ekre snekkerverksted på Lalm. Dette er plassert der sultklevan låg.

2009-12-25T06:25:00.000-08:00

Vindauge

2009-12-25T05:33:00.001-08:00

Gamle bilete, og rester etter eldre vindauge synder at det har vore småruta glasruter i Nedre Stugu. Glasa i 2. etasje er typisk sveitserstil, ein stilart som kom til Gudbrandsdalen ca 1890. Veden i eldre glas er ofte av god kvalitet difor valde vi å behalde dei gamle glasa i staden for å byte desse ut med småruta glas som det opprinneleg har vore.

Mønsås, taktro og takåser

2009-12-25T04:52:00.000-08:00

Mønsåsen og to takåser måtte skiftast ut. Noko av taktroa måtte også skiftast.

Fortroa og raftstikkene er skifta.

Sval

2009-12-25T04:26:00.001-08:00

Mønsåsen til svala vert forma til før den vert lagt på plass.

Ein del av svala måtte demonterast for å skifte ut rotne parti.

Torvtak - demonterting - nytt torvtak

2009-12-24T03:21:00.000-08:00

Torvtak vart fjerna for at taket kunne vølast. Etter at taket vart restaurert vart torvtaket lagt på. Torvtak vart levert av Håkon Engen, og lagt i løpet av nokre timar. Dette var ein av dei siste dagane før frosten kom. Under torvtaket var det lagt propanduk.

Tak

2009-12-24T02:55:00.000-08:00

Tak:

Svein Arne Tessnes tok over hovudansvaret for restaureriinga etter at Einar Holen slutta. Jord og papp på taket vart fjerna og skadar vart utbetra. Vindskier og torvlister vart demontert og rekonstruert fordi dei var i dårleg forfatning. Underlagspapp, protan, torvoler og never vart lagt.

Tak på sval:

24m2 med skifter vart av - og påmontert. Taktroa vart reparert.

Nasjonalbiblioteket

2009-08-25T06:17:00.000-07:00

Nedre Stugu til vinstre i bilete, medan ein ser steinfjoset til høgre. Dette vart teke ned. I midten ser ein stallen som nå fungerer som scene i Jutulhiemen. Det vesle huset framom stallet var hønehuset.

Her ser ein Nedre Stugu med stega. Låven står framleis på same plassen, medan huset til høgre i bilete vart seld til Darthusom, og står der i dag.

Fotograf: Wilse, Anders Beer
Eier: Norsk Folkemuseum

2009-08-20T10:13:00.001-07:00

Beslag på dørene

2009-08-20T10:02:00.001-07:00

Beslaga er kopiar av beslag som kan ha stått i Nedre Stugu, men mykje tyder på at dei originale dørene står i Hornebua i Sjodalen. Denne bua er ikkje lenger i familiens eige, men dørene står her framleis og er måla i ei sterk berlinerblå farge - ei farge som vart utvikla fyrst på 17- 00 tallet.

Beslaga på bilete har Reidar Berg har smidd, og er her i gang med å tilpasse dei til døra inn mot klevan. Barnebarnet Syver fylgjer med! Dørene er laga av Tessand snikkerverkstad.

2009-08-20T09:21:00.000-07:00

Timraveggene i klevan vert rappa. Linoljemåling er bestilt frå Sverige, og klevan skal målast i dei eldste fargene som er funne under dei mange laga av måling. Penklevan vart dermed rosa, med københavnergrønt på dei tri nedste stokkane. Øverst mot lista skal det målast ei rosa stripe. Arkitekt Jan Andersen, tidlegare ansett sjå riksantikvaren har vore fargekonsulent.

Då vi restaurerte Øvre Stugu etter brannen i 2000, vart timbraveggene sparkla og likna på plastikk. Vi var beviste på at denne gongen skulle kun grove sprekker rappast med ei blanding av rugmjøl, sand og vatn.

2009-08-20T08:59:00.001-07:00

Velkommen, velkommen!!

2009-01-03T02:20:00.000-08:00

Nedre Stugu ynskjer vår nye snikkarane våre Svein Arne Tessnes og Jon Kleiven velkommen!

I dag er snikkarane her og legg dei siste planane innan arbeidet tek til!

2008-08-25T13:04:00.001-07:00

Nedre Stugu i kunst

2008-08-24T07:24:00.001-07:00

Rolf Kongsvold.

Jehans Holbø

Knut Ljøsne

Jutulen og Johannes Blessom

2008-08-24T07:18:00.000-07:00

Slik er eventyret om Jutulen og Johannes Blessom skildra av Thorbjørn Egner då han kom til Blessom under krigen.

Jutulen og Johannes Blessom vart fyrst nedskrivi av Peter Chr. Asbjørnsens Norske Huldre-Eventyr og Folkesagn og Norske Folkeeventyr. Asbjørnsen fekk høyre segnet i 1842. Vagværen Johannes Blessom, fekk skyss heim med sjølvaste Jutuelen ei julenatt. Sikkert er det vertfall at Johannes Blessom var brukar på Blessom fyrst på 1600- talet og at han drog til København for å ordne ei sak.

http://no.wikipedia.org/wiki/Jutulporten

Lenkar

2008-08-24T07:08:00.000-07:00

Lenkar til gardshotellet

http://www.kulturminnefondet.no/aktuelt/nyhet.asp?thisId=1205760615

http://www.kulturminnefondet.no/aktuelt/nyhet.asp?thisId=1250578190

http://www.gardshotell.no

Blessom

2008-08-23T00:15:00.000-07:00

Blessom sett frå jordet ein kald januardag - 2008. I fylgje lokalhistorikar Ivar Kleiven var Blessom den fyrste garden som vart rydda i Vågå. Folk frå Lesja kom over fjellet og leitte etter ein plass å busette seg... på spørsmål om dei hadde funne ein dugeleg plass var svaret "Eg fann nå ei blesse", blesse tyder opning i landskapet, og her stammer namnet Blessom frå.

Forsøk på å få 1.stokk mot aust på plass.

2008-08-22T23:52:00.000-07:00

Arvid tilpassar stokken med motorsag..

Ny sjanse: 24.8.08 stokken kjem på plass...

Arvid og Einar freistar å få den nye stokken mot aust på plass. Bestemor betraktar arbeidet og må konstantere at forsøket mislykkast.

22.august. Nye forsøk ventar.

Tak

2008-08-20T08:45:00.000-07:00

Vindskier og torvlister er demontert, og restaurert eller rekonstruert.

Botnsvile

2008-08-20T08:36:00.000-07:00

Botnsvila lot seg ikkje redde, og skal skiftast ut med ei ny.

2008-08-20T08:26:00.000-07:00

Nordigard Blessom sett frå jordet

2008-08-20T08:20:00.000-07:00

Nedre Stugu - sommarkveld juli 08

2008-08-20T08:17:00.000-07:00

Fjerning av 1. stokk mot aust

2008-08-20T08:03:00.000-07:00

2008-08-20T07:57:00.000-07:00

2008-08-20T07:48:00.000-07:00

Dugnadsarbeid for å fjerne stubbloft og leire i klevan. Vona var at det gamle golvet skulle ligge under 50-talls golvet. Dessverre var dei gamle golvbodra høgd opp og bruktsom stubbloft. Einar, Arvid, Estin og Pål. Juli 2008.

Krone og takbjelker

2008-08-20T07:43:00.000-07:00

Himling i klevan.

Vi skulle som planlagt fjerna dei sekundære huntonittplatene som dekte den originale himlingen. Det viste seg da at 3 av 4 originale takbjelkar var knekt tvers av. Årsaken var at bjelkene var lagt på tvers i rommet, ca 7m lange mot vanleg at bjelkar i klevar er lagt på tvers av rommet og her fått ei lengde på bere ca 4,2 m. Vi ser at da dei ein gong i tida skulle gjere i stand 2.høgda av huset og sikkert fylte meire silt og også stein på himlinga måtte dei leggje inder bjelkane ei "krone" for å hjelpa bjelkene med bæringa. Krona var lik den i stugurommet. På 1900- talet vart krona teken ut att da klevan skule få ei ny rominndeling med delevegg ved sida av krona. Vi har nå saga ny krone som skal inn i dei gamle spora att. Vi har også fjerna tyngda på bjelkane ved å ta ut silten og steinen ca 9 kubikkmeter. Dei knekte bjelkane vil da kunne brukast som før.

Einar Holen, 27.6.2008

Utdrag frå brev til kulturminnefondet.

Spir

2008-08-20T07:39:00.000-07:00

Spiret er truleg skore av den lokale kunstnaren Jakob Sæterdalen, som også skar preikestolen i stavkyrkja i Lom (1793), etter å ha utkonkurert sjølvaste Skjåk-Ola. Etter dette har akanturskurden vore umåteleg populær i Gudbrandsdalen. Kanskje har dette å gjere med at trevirket veks seint, og at det dermed vert hardare og dugeleg til treskjæring. Liknande spir finn ein au på Gardsøy, og truleg var det same arkitekt som sto bak stugu på Gardsøy, som på Nedre Stugu.

For å redde spiret vart det teke ned, og rekonstruksjon av spir er skore av Gunnar Kleiven.

2008-08-20T07:37:00.000-07:00

Grunnmur

2008-08-20T07:34:00.000-07:00

Grunnmur:

Ein har sett at grunnmuren hadde ei utbuling mot sør under stugurommet. Dette visste ein det måtte gjerast noko med for grunnmuren under klevan på same sida hadde vorte rearert for fleire år sidan på grunn av utbuling og utrasing. For å kjenne betre korleis muren var stakk vi eit spett ned i muren. Dette var nok til at utvulinga "sprakk" og fleire kvadatmeter med mur rasa. Det viste seg at muren ikkje var skikkeleg mur men berre ei oppløing av stein, der ein under oppløinga hadde pakka silt, lokalt kalla leire, bak kvar stein slik at han låg roleg. Muren hadde stein som bygde frå 10cm til 60 cm inn i silten. Den delen av muren som skulle være synleg innanfrå hadde fin fasade medan den delen som skulle vera synleg utanfra og det som var i den gamle kjellaren hadde fin fasade. "Baksida av muren var å sjå på som ei røs.

Spørsmålet var kva ein nå skulle gjera for å sikre at mest mogleg av muren vart ståande. Preisen som stod på ei steinrøys som støtta seg mot muren som rasa ut måtte fyrst sikrast. Betong vart brukt ved oppmuringa att av muren under klevan og vi fann ut at vi fekk bruke betong nå også. Alternativet var å la all mur eller eller røys rase ned og mure opp att tradisjonell mur. Vi støtta difor peisen og veggande som stor opp med stolper og stag og støypte opp permanent sikting under peis, innvendig på søre mur og utvendig på muren til den gamle kjellaren. Nå blir det i alle fall solidt og der er framleis mogleg å sjå korleis "muren" ein gong var orginal. Betong utvendig blir berre inder bakken. Mur over bakken blir foga i hop. I den nye muren mot sør set vi inn ei dør slik at ein nå kan gå inn i kjellaren utan å gå ned gjennom kjellarlemmen. Muren blir nå ståande på fjell huset rundt.

Dette var ein av fleire uforutsette arbeidsoppgåver som dukka opp.

Utdag av Einar Holen sitt brev til kulturminnefondet, 27.6.2008.

Arvid og Einar jobber med muren

2008-08-20T07:28:00.000-07:00